យោងតាមព័ត៌មានជីវិតមង្គលការរបស់ Yang Mi និងត្រូវបែកគ្នាជាមួយ Liu Kai Wei ព្រោះតែពួកគេស្ទើរតែគ្មានពេលវេលាឲ្យគ្នាសោះ។
ដែលក្រោយមក ទស្សនាវដ្តីហុងកុងក៏បាន បង្ហាញពីសេចក្តីលម្អិតអំពីរឿងនេះ ជាពិសេសគឺខាងស្រី Yang Mi ដែលក្រោយពេលដែលនាងសម្រាលកូនរួច ការងារសម្ដែងរបស់នាងបែរជាកាន់តែរវល់ជាងមុន រហូតដល់ធ្វើឲ្យនាងមានឱកាសមកលេងកូននៅហុងកុង ត្រឹមតែមិនប៉ុន្មានថ្ងៃប៉ុណ្ណោះក្នុងមួយឆ្នាំ។
កូនស្រីរបស់ Yang Mi និង Liu Kai Wei កើតនោះថ្ងៃទី 01 មិថុនា 2014 ដែលក្រោយពីសុខភាពរបស់នាងត្រឡប់មកជារឹងមាំវិញ Yang Mi ក៏ត្រឡប់ទៅធ្វើការវិញពេញៗតែម្ដង ដែលក្នុងពេល3ឆ្នាំ នាងថតរឿងខ្សែភាពយន្តបានដល់ទៅ4រឿង និង រឿងភាគវែងៗ 4 រឿងទៀតឯណោះ។
ហើយរយៈពេល3ឆ្នាំមកនេះ កូនស្រីរបស់នាង រស់នៅហុងកុងជាមួយនឹង ឪពុកម្តាយស្វាមីរបស់នាង ទើបអ្នកលេង Internet ហុងកុងនាំគ្នាសន្និដ្ឋានថា «កន្លងមកក្នុងពេល 3ឆ្នាំមកនេះ Yang Mi មករកកូននៅហុងកុងត្រឹមតែពេលដែលគ្មានការងារ ដែលមិនប៉ុន្មានលើកប៉ុណ្ណោះ ដោយក្នុងឆ្នាំ 2016 នៅហុងកុងបានត្រឹម 24ថ្ងៃប៉ុណ្ណោះ , 2017 នាងនៅបាន 8 ថ្ងៃ ហើយ 2018 ត្រឹមតែ5ថ្ងៃប៉ុណ្ណោះ បើសរុបទៅ 3ឆ្នាំ នាងបានមកលេងកូនត្រឹមតែ 37ថ្ងៃប៉ុណ្ណោះ។
ហើយ លោក Liu Dan ឪពុកក្មេករបស់នាងក៏ធ្លាប់និយាយពីរឿងនេះផងដែរថា «ទោះបីគាត់និងភរិយាជាអ្នកដែលត្រូវមើលថែរចៅ តែ Yang Mi និង Liu Kai Wei ក៏នៅតែទាក់ទងមករកកូនរបស់ពួកគេតាម Video Call ជានិច្ច ដែលពួកគេមិនបាននៅឃ្លាតឆ្ងាយពីកូនដូចអ្នកមហាជននិយាយនោះឡើយ»។
ក្រោយពីពេលដែលពួកគេលែងលះគ្នា Yang Mi ក៏បានផ្តល់បទសម្ភាសន៍ជាលើកដំបូងថា « គ្មានប្រយោជន៍អ្វីដែលយើងត្រូវត្រឡប់ទៅនឹកដល់រឿងអតីតកាលវិញឡើយ យ៉ាងណាវាក៏ជារឿងកន្លងហួសទៅហើយ»។
នាងក៏បាននិយាយពីកូនស្រីរបស់នាងផងដែរថា «កូននាងចូលចិត្តសួរច្រើន និយាយក៏ច្រើន ចូលចិត្តប្រើជីវិតខាងក្រៅផ្ទះជាង »៕
ប្រភព : mgronline
