ប៉ូលីសពីរនាក់ ក្នុងចំណោម៣នាក់ ត្រូវបានបញ្ឈជើង ក្រោយពីបានជាក់ពាក់ព័ន្ធនឹងការបម្រើសេវាកម្មទៅកាន់ជនជាតិចិនដែលល្បីក្នុងបណ្តាញសង្គម Tiktok ម្នាក់។
ដោយឡែក ប៉ូលីស៣រូបបានជាប់ពាក់ព័ន្ធការបម្រើជនជាតិចិនម្នាក់ ដែលនាងបានបញ្ជាក់ថា បានបង់លុយទៅកាន់ប៉ូលីសទាំងនេះ ដើម្បីសម្រួលផ្លូវចេញតាមច្រកអន្តោប្រវេសន៍នៅព្រលានយន្តហោះ Suvarnabhumi ទៅកាន់សណ្ឋាគារមួយក្នុងទីក្រុងប៉ាតាយ៉ា ហើយប៉ូលីសទាំងនោះ ត្រូវបានគេកំណត់អត្តសញ្ញាណថាជាប្រធានក្រុមប៉ូលីសមកពីការិយាល័យប៉ូលីសទេសចរណ៍ និងប៉ូលីសចរាចរណ៍ពីរនាក់។ ដោយប៉ូលីសបានបើកម៉ូតូសុីផ្លេស៊ីរ៉ែន និងបើកភ្លើងសញ្ញាសង្គ្រោះបន្ទាន់នៅមុខតាក់ស៊ីរបស់នាង ដើម្បីអោយនាងបានជិះឡានទៅទល់គោលដៅ ដោយមិនបាច់ចាំការស្ទះផ្លូវ។
ប៉ូលីសទាំងបីនាក់បានប្រឈមមុខនឹងការស៊ើបអង្កេតភ្លាមៗបន្ទាប់ពីវីដេអូនេះបានផ្សព្វផ្សាយនៅលើបណ្តាញសង្គម។ យ៉ាងណាមិញ ក្រោយមកការសើបអង្កេតត្រូវបានរកឃើញថាជាម៉ូតូនេះគឺជាម៉ូតូឯកជនមិនមែនជារបស់ប៉ូលីសទេ។ នេះមានន័យថា ប៉ូលិសជាប់ចោទមិនបានប្រព្រឹត្តបទល្មើសព្រហ្មទណ្ឌទេ ព្រោះម៉ូតូដែលប្រើក្នុងការអមការពារមិនមែនជាម៉ូតូបស់ប៉ូលីសទេ។ ទោះបីជាយ៉ាងណាក័ដោយ លោកស្នងការរង នៃការិយាល័យនគរបាលទេសចរណ៍ បាននិយាយថា ថ្វីត្បិតតែមានរឿងអញ្ចឹងមែន តែពួកគេនៅជាប់ការបញ្ឈជើងដដែល៕
ប្រភព៖ thepattayanews
