សហរដ្ឋអាមេរិកបានធ្វើការវាយប្រហារផ្លូវអាកាសប្រឆាំងនឹងក្រុម al-Shabaab ដែលជាអង្គការទាក់ទងនឹងក្រុមអាល់កៃដា នៅក្នុងប្រទេសសូម៉ាលីអស់រយៈពេលជាច្រើនឆ្នាំ។ ជាពិសេសខេត្ត ហ៊ីរ៉ាន (Hiran) គឺជាកន្លែងដែលរដ្ឋាភិបាលសូម៉ាលី និងសម្ព័ន្ធមិត្តរបស់ខ្លួនបានធ្វើការវាយប្រហារកាលពីខែមុន នេះបើតាមសារព័ត៌មាន រ៉យទ័រ បានរាយការណ៍។
ការវាយប្រហារដែលបានកើតឡើងកាលពីថ្ងៃទី១៨ ខែកញ្ញា ឆ្នាំ២០២២ គឺជាការវាយប្រហារតាមអាកាសលើកទី៦ របស់សហរដ្ឋអាមេរិក នៅក្នុងប្រទេសស៊ីរី ក្នុងឆ្នាំ២០២២ ដែលជាបញ្ជាការរបស់យោធាអាមេរិកប្រចាំទ្វីបអាហ្វ្រិក (AFRICOM)។
កងកម្លាំងអាមេរិកបាននិយាយថា ពួកសកម្មប្រយុទ្ធ al-Shabaab ត្រូវបានសម្លាប់ នៅពេលដែលពួកគេបានវាយប្រហារកងកម្លាំងរដ្ឋាភិបាលនៅក្នុងទីក្រុង Buulobarde ចម្ងាយប្រហែល ២០០ គីឡូម៉ែត្រភាគខាងជើងនៃរដ្ឋធានី Mogadishu ។
ការវាយប្រហារតាមអាកាសការពារបានអនុញ្ញាតឱ្យកងទ័ពជាតិសូម៉ាលី និងបេសកកម្មសហភាពអាហ្រ្វិកនៅសូម៉ាលី (ATMIS) ទទួលបានគំនិតផ្តួចផ្តើមឡើងវិញ និងបន្តយុទ្ធនាការដើម្បីបង្កភាពចលាចលសម្រាប់ al-Shabaab ក្នុងខេត្តហ៊ីរ៉ាន នេះបើយោងតាមសេចក្តីថ្លែងការណ៍របស់ AFRICOM ។ “ប្រតិបត្តិការនេះគឺជាការវាយប្រហាររួមគ្នាដ៏ធំបំផុតដោយប្រទេសសូម៉ាលី និង ATMIS ក្នុងរយៈពេលប្រាំឆ្នាំ។”
អ្នកនាំពាក្យរបស់ ATMIS និងមន្ត្រីរដ្ឋាភិបាលសូម៉ាលីមិនបានឆ្លើយតបទៅនឹង សំណើរបស់ រ៉យទ័រ សម្រាប់ការធ្វើអត្ថាធិប្បាយលើឧប្បត្តិហេតុនេះទេ។ ATMIS មិនបានទទួលស្គាល់ជាសាធារណៈនូវតួនាទីរបស់ខ្លួនក្នុងការវាយលុករបស់រដ្ឋាភិបាលសូម៉ាលីទេ។
អ្នកស្រុកម្នាក់បាននិយាយថា កងកម្លាំងរដ្ឋាភិបាលបានដណ្តើមបានភូមិចំនួន ១០ ពីក្រុម al-Shabaab ក្នុងសប្តាហ៍កន្លងទៅនេះ។
យោធាអាមេរិកត្រូវបានចោទប្រកាន់ម្តងហើយម្តងទៀតដោយក្រុមសិទ្ធិមនុស្សថាបានបិទបាំងប្រតិបត្តិការយោធារបស់ខ្លួននៅក្នុងប្រទេសសូម៉ាលី ដែលជាទង្វើមួយហាក់ដូចជាកំពុងព្យាយាមគេចពីការទទួលខុសត្រូវចំពោះការស្លាប់របស់ជនស៊ីវិល៕ ប្រភពពី៖ reuters
