គុណវិបត្តិរបស់ សំលៀកបំពាក់រហ័ស៖ សំរាមជជុះ ត្រូវ​បាន​គេ​បំផ្ទុះ ​និង​គរ​លើ​ឆ្នេរ​ប្រទេស​ហ្គាណា

108

ម៉ូដសម្លៀកបំពាក់រហ័ស ដែលត្រូវបានគេស្គាល់ថាជាសម្លៀកបំពាក់ទាន់សម័យ គុណភាពទាប តម្លៃថោកសមរម្យ ដែលពាក់ក្នុងរយៈពេលខ្លី ត្រូវបានបោះចោល កំពុងក្លាយជាបញ្ហាបរិស្ថានធ្ងន់ធ្ងរនៅលើភពផែនដីរបស់យើង។

ជាមួយនឹងសម្លៀកបំពាក់ម៉ូដរហ័សត្រូវបានពាក់ក្នុងរយៈពេលខ្លី បន្ទាប់​មក វា​ក្លាយ​ទៅ​ជា​កាក​សំណល់​ដែល​មនុស្ស​បោះ​ចោល ដោយ​មិន​អាច​រលួយ​តាម​ធម្មជាតិ រហូត​ដល់​បង្ក​ឲ្យ​មាន​សំរាមគរដូច​ភ្នំ​​ក្នុង​ករណី​នេះ។

កាលពីពេលថ្មីៗនេះ ទីភ្នាក់ងារព័ត៌មានអន្តរជាតិមួយបានបញ្ចេញរូបភាពនៃសំរាមម៉ូតរហ័សដែលគរលើឆ្នេរខ្សាច់ក្នុងទីក្រុង Accra ប្រទេសហ្គាណា ដោយគេជឿថាមកពីប្រទេសអង់គ្លេស រួមទាំងប្រទេសអ្នកមានផ្សេងទៀត។

យោងតាមការស្ទង់មតិដោយអង្គការសប្បុរសធម៌បរិស្ថាន WRAP ច្រើនជាង 70 ភាគរយនៃកាកសំណល់ម៉ូដលឿនបានមកពីការលក់រាយសម្លៀកបំពាក់របស់ចក្រភពអង់គ្លេស រួមទាំងការនាំយកទៅបរិច្ចាគនៅពេលមិនពាក់វា។

ប៉ុន្តែនៅពេលដែលគ្មាននរណាម្នាក់បន្តប្រើវាទេនោះវាត្រូវបានបោះចោល ដូចកាកសំណល់ម៉ូដលឿនដែលយើងឃើញ។

បញ្ហា​ម៉ូដ​លឿន​ជា​បញ្ហា​ចម្បង​ក្នុង​ប្រទេស​អង់គ្លេស​ជា​ច្រើន​ឆ្នាំ​មក​ហើយ ព្រោះ​អង់គ្លេស​ជា​ប្រទេស​នាំ​ចេញ​សម្លៀក​បំពាក់​ធំ​មួយ​នៅ​អឺរ៉ុប។

បច្ចុប្បន្ននេះ Carbon Footprint នៃឧស្សាហកម្មម៉ូដនៅក្នុងប្រទេសនេះកំពុងកើនឡើង។

នៅពេលដែលអ្នកប្រើប្រាស់កាន់តែច្រើនឡើងៗប្តូរម៉ូដលឿនៗ សម្លៀកបំពាក់ 300.000 តោនត្រូវបានបោះចោលជារៀងរាល់ឆ្នាំនៅក្នុងចក្រភពអង់គ្លេស ដែលស្មើនឹង 30 គំនរសំរាម។

ដូចដែលអ្នកអាចឃើញការបោះចោលសម្លៀកបំពាក់ទាំងនេះប៉ះពាល់ដល់ប្រទេសដទៃទៀត។ ឆ្នេរនេះត្រូវបានគ្របដណ្តប់ដោយសម្លៀកបំពាក់ជជុះដែលគ្មាននរណាម្នាក់ត្រូវការ ហើយជាការពិតណាស់ វាបង្កើតបញ្ហាបំពុលទាំងដី និងទឹកផងដែរ៕

យោងតាម៖ mirror