តារា​សម្ដែង​តៃវ៉ាន់ Ili Zheng ត្រូវ​រង​ការ​រិះគន់​ បន្ទាប់​ពី​នាង​បង្ហាញ​សភាពរាងកាយដ៏ល្អតាម​អ៊ីនធឺណិត

សព្វ​ថ្ងៃ​នេះ វា​ជា​រឿង​ធម្មតា​ក្នុង​ការ​បង្ហាញគ្រប់យ៉ាងនៅ​លើ​ប្រព័ន្ធ​ផ្សព្វផ្សាយ​សង្គម។ មិនថាទេពកោសល្យ ជំនាញ ចំណង់ចំណូលចិត្តចម្លែក ឬសូម្បីតែរូបរាងល្អរបស់អ្នក អ្នកអាចបង្ហោះអ្វីបានច្រើនយ៉ាងនៅលើបណ្តាញសង្គម។

តារាសម្ដែងតៃវ៉ាន់ Ili Zheng Jiachun (鄭家純) ស្គាល់ថានាងមើលទៅមានរូបរាងល្អ និងមានមោទនភាពចំពោះវា។ អ្នក​និយម​លេង​អ៊ីនធឺណិត​​បាន​បង្កើន​ទំនុក​ចិត្ត​ដល់នាង ​ដោយ​សរសើរ​នាង​យ៉ាងជាប់​លាប់។ យ៉ាង​ណា​មិញ ការ​បង្ហោះ​រូប​រាងលើ​បណ្ដាញ​សង្គម Facebook ថ្មីៗ​នេះ​បាន​ធ្វើ​ឲ្យ​មនុស្ស​មួយ​ចំនួន​គិត​ថា​នាង​ឆ្កួត។

កាល​ពី​ថ្ងៃ​ទី ២៤ ខែ​វិច្ឆិកា Ili បាន​បង្ហោះ​វីដេអូ​ដែល​នាង​ថតតាម​កាមេរ៉ា។ ការ​បង្ហាញ​ខ្លួន​នេះ​មិន​មែន​ជា​រឿង​ចម្លែក​នោះ​ទេ ប៉ុន្តែ​នាងបានធ្វើឲ្យ​អ្នក​និយម​លេង​អ៊ីនធឺណិត​ភ្ញាក់​ផ្អើល​ចំពោះ​អ្វី​ដែល​នាងបាន​ស្លៀក។ ក្រឡេក​មើល​ដំបូង​មើល​ទៅ​ហាក់​ដូច​ជា​តារា​ស្រី​រូបនេះមិន​ស្លៀក​អ្វី​សោះ។ យ៉ាង​ណា​មិញ រូប​រាង​ស្អាត​របស់នាង​ នាងបាន​ធានា​ដល់​ទស្សនិកជន​ថា ​នាង​ស្លៀក​សម្លៀក​បំពាក់ត្រឹមតែរឹបតែប៉ុណ្ណោះ។

ជាក់ស្តែងនាងបានថតសម្រាប់ Double 11, aka Singles’ Day ។ Ili បានពន្យល់ថា នាងមានការឈឺចាប់យ៉ាងខ្លាំង ដើម្បីរក្សារាងដ៏ល្អរបស់នាងនៅឆ្នាំនេះ។ នាង​បាន​ចែករំលែក​ថា “​នាងបាន​ម៉ាហ្សាពោះ​រាល់​ថ្ងៃ​មុន​ពេល​ថត​ ”។ «​ឆ្នាំ នេះ​នាងគ្មាន​ស្នេហា​ថ្មី​ទេ ​មានតែដាក់​វិន័យ​ខ្លួនឯង​ ដើម្បីកុំឲ្យធាត់​។ ”

អាវពណ៌ស្បែករបស់នាងបានបង្ហាញខ្សែកោងនៃរូបរាងទាំងអស់របស់ Ili ។ យ៉ាង​ណា​មិញ អ្នក​និយម​លេង​អ៊ីនធឺណិត​មួយ​ចំនួន​បាន​វាយ​តម្លៃ​យ៉ាង​ចាស់​ដៃ​ចំពោះ​ការ​ស្លៀក​ពាក់​របស់​នាង។ “ រ៉ូប (ឆ្កួត) បែបនេះ…? ” ម្នាក់បានសួរ។ ម្នាក់ទៀតបាននិយយាថា “ គួរឲ្យអាម៉ាស់​ខ្លាំង​ណាស់ ” ខណៈ​អ្នក​លេង​អ៊ីនធឺណិត​ម្នាក់​បាន​បន្ថែម​ថា ​ឈុត​នេះ​មើល​ទៅ​ស្រដៀង​នឹង​អាវ​ដែល​ពាក់​ដោយ​អ្នក​រាំ​ក្នុង​វីដេអូ​ចម្រៀង “Chandelier” របស់ Sia។ ពីរបីនាក់ក៏បានសួរអំពីស្បែកជើងរបស់នាង ដោយនិយាយថាវាមើលទៅធំ និងមិនស្រួល។

តារាស្រីរូបនេះបានដោះស្រាយការរិះគន់អវិជ្ជមានដោយបង្ហាញភាពស្ងប់ស្ងាត់ និងដោយធ្វើមិនដឹង។ ក្រៅ​ពី​បញ្ចេញ​មតិ​អវិជ្ជមាន នាង​ក៏​ទទួល​បាន​ការ​គាំទ្រ​ជាច្រើន​ពី​សំណាក់​អ្នក​គាំទ្រ ដែលសរសើរសម្លៀកបំពាក់ និងរាងកាយរបស់នាង។

Ili ក៏​បាន​បន្ថែម​ការ​លើក​ឡើង​របស់​នាង​លើ​បញ្ហា​នេះ​ពេល​ក្រោយ​នៅ​លើ Facebook។ នាង​បាន​សរសេរ​ថា​៖ « ​ខ្ញុំ​គិត​ថា​អ្នក​ដែល​យក​ចិត្ត​ទុក​ដាក់​ចំពោះ (​ឈុត​ពណ៌​ស្បែក​) មិន​មាន​អារម្មណ៍​កំប្លែង​។ “ (អ្នក) រស់នៅក្នុងជីវិតដ៏យ៉ាងតឹងតែ។ មិន​ត្រឹម​តែ​ប៉ុណ្ណោះ តារា​ស្រី​រូប​នេះ​បាន​ណែនាំ​អ្នកគាំទ្រកុំឲ្យ​ខ្វល់​នឹង​រឿង​បែប​នេះ។ នាងបានណែនាំថា ” ប្រសិនបើអ្នកយកចិត្តទុកដាក់ចំពោះវា វានឹងធ្វើឱ្យជីវិតរបស់អ្នកកាន់តែលំបាក ” ៕ ប្រភពពី៖ Xuan , Facebook ( 1 )( 2 )