អត់ការងារមែន! បុរសម្នាក់សរសេរអក្សរបែបនេះ នៅលើខ្លួនសត្វដំរីទឹក បណ្ដាលឲ្យគេប្រកាសរកមុខ ដោយមានប្រាក់រង្វាន់រាប់ពាន់ដុល្លារសម្រាប់អ្នកផ្ដល់ដំណឹង

94

អាមេរិក៖ មានប្រកាសចាប់ខ្លួនជនខិលខូចដែលបានសរសេរពាក្យថា “Trump” នៅលើខ្លួនសត្វដំរីទឹក Manatee ដោយមានរង្វាន់លើកទឹកចិត្តចំនួន ៥០០០ ដុល្លារ ។

ដំរីទឹកមួយក្បាលនេះរស់នៅក្នុងទន្លេមួយក្នុងរដ្ឋផ្លរីដា ជាកន្លែងដែលវាត្រូវបានគេរកឃើញកាលពីថ្ងៃអាទិត្យមុន។ ទីភ្នាក់ងារសារព័ត៌មានក្នុងស្រុកបានចុះផ្សាយឃ្លីបវីដេអូរបស់ដំរីទឹក ដែលមានអក្សរថា “Trump” នៅចំកណ្តាលខ្លួន។ មជ្ឈមណ្ឌលជីវសាស្ត្រចម្រុះ (Center for Biological Diversity) បានផ្តល់ប្រាក់ចំនួន ៥,០០០ ដុល្លារសម្រាប់អ្នកដែលចាប់ជនល្មើសបាន។

សត្វដំរីទឹក Manatee គឺជាសត្វនៅក្រោមការការពាររបស់សហរដ្ឋអាមេរិក ហើយរាល់អ្នកយាយីសត្វដំរីទឹក នឹងត្រូវផាកពិន័យប្រាក់រហូតដល់ ៥,០០០ ដុល្លារ និងជាប់ពន្ធនាគារ ១ ឆ្នាំ។ ចំណែកឯចំនួនសត្វដំរីទឹក Manatee ដោយប្រមាណជា ៦.៣០០ ក្បាល នៅរដ្ឋផ្លរីដាសព្វថ្ងៃ (នៅឆ្នាំ ១៩៩១ ដែលមានត្រឹមតែ ១.២៦៧ នាក់) ។

ដំរីទឹក Manatee ឬ Manatee Sea cow គឺជាថនិកសត្វចិញ្ចឹមកូនដោយទឹកដោះ រស់នៅក្នុងទឹកទំហំធំ ជាសត្វក្នុងត្រកូល Trichechidae វាមានលក្ខណៈខុសពីពូជ Dugongidae ដោយកន្ទុយរបស់ដំរីទឹក Manatee មានរាងសំប៉ែតមូល រីឯកន្ទុយរបស់ដំរីទឹកទូទៅមានរូបរាងស្រដៀងត្រីផ្សោត ។ ដំរី Manatee គឺជាសត្វស៊ីរុក្ខជាតិជាចំណី ហើយពួកវាភាគច្រើននឹងរកចំណីនៅតំបន់ទឹករាក់ ឬអាចនឹងចូលទៅរកចំណីនៅទន្លេទឹកសាប  ឆ្ងាយពីសមុទ្រ ៣០០ គីឡូម៉ែត្រ ។

រីឯជម្រករបស់ដំរីទឹក Manatee គឺនៅតំបន់ឆ្នេរសមុទ្រទឹករាក់អាមេរិកខាងជើង អាមេរិកកណ្តាល អាមេរិកខាងត្បូង និងសមុទ្រការ៉ាប៊ីន រកឃើញច្រើនក្នុងតំបន់ទឹកក្តៅនៅរដ្ឋផ្លរីដា ៕

សូមទស្សនាវីដេអូខាងក្រោម៖