ស្រៀវណាស់! កន្ត្រកវិលដាច់ខ្សែពួរ ក្រវែងទៅក្រវែងមកអ្នកជិះភ័យស្រែកឡើងទ្រហឹង នៅថៃ (វីដេអូ)

383

ថៃ៖ ឃ្លីបវីដេអូខ្លីៗគួរឱ្យស្រៀវ កន្ត្រកវិលដាច់ខ្សែពួរ ក្រវែងទៅក្រវែងមកសាងភាពភ័យខ្លាចដល់មនុស្សគ្រប់គ្នាដែលកំពុងជិះស្រែកឡើងទ្រហឹង ។

នៅថ្ងៃទី ២០ ខែកញ្ញាឆ្នាំ ២០២០ ទំព័រហ្វេសប៊ុគ Red Skull Motopunk បានរាយការណ៍ថា មានឧប្បត្តិហេតុមួយកើតឡើងដោយមាន កន្ត្រកវិលឧបករណ៍ក្មេងលេងនៅក្នុងវត្តមួយកន្លែង ស្ថិតនៅស្រុកគូសុម៉ាល ខេត្តសាគុនណាខន ដែលរៀបខុសបច្ចេកទេសបណ្តាលឱ្យដាច់ខ្សែពួរ ។

ជាទូទៅកន្ត្រកវិលត្រូវវិលជារង្វង់ដូចទ្រនិចនាឡិកាអញ្ចឹង ឬច្រាសទ្រនិចនាឡិកាជាធម្មតា ប៉ុន្តែការដែលវាវិលទៅឆ្វេងទៅស្តាំ បណ្តាលអោយប្រអប់កន្ត្រកក្រវែងទៅក្រវែងមកបែបនេះគឺវាខុសប្រក្រតីហើយ។ នៅក្នុងហេតុការណ៍នោះមានមនុស្សជាច្រើនដែលកំពុងតែជិះនៅក្នុងកន្ត្រក ដោយពួកគេជាច្រើនបានស្រែកដោយភាពភ័យខ្លាច។

ក្រោយមកទំព័រហ្វេសប៊ុកដដែលនេះ បានបង្ហោះឃ្លីបថ្មីមួយទៀតដែលមានបុរសជាច្រើននាក់ បានចូលមកជួយគ្នាចាប់កន្ត្រកឱ្យវាឈប់វិលដើម្បីរំដោះមនុស្សនៅក្នុងប្រអប់កន្រ្តកបានចេញមកក្រៅដោយសុវត្ថិភាព សំណាងល្អដែលនៅក្នុងហេតុការណ៍នេះពុំនរណាម្នាក់រងរបួសទេ។

បន្ទាប់ពីឃ្លីបវីដេអូត្រូវបានផ្សព្វផ្សាយ មានអ្នកប្រើប្រាស់បណ្តាញសង្គមមួយចំនួនបានចោទសួរថា តើវាជាឃ្លីបវីដេអូចាស់មែនទេ? ប៉ុន្តែខាងអ្នកគ្រប់គ្រងទំព័រហ្វេសប៊ុករូបនោះបានបានបញ្ជាក់ថា នេះជាឧប្បត្តិហេតុថ្មី ដែលទើបតែបានកើតឡើងកាលពីយប់មិញ ។

ស្របពេលនោះដែរមានអ្នកប្រើប្រាស់បណ្តាញសង្គមមួយចំនួន បានបង្ហាញពីការភិតភ័យយ៉ាងខ្លាំងចំពោះហេតុការណ៍ដែលបានកើតឡើង ព្រោះវាមិនមែនជាលើកទី១ ទេដែលមានព័ត៌មានដូច្នេះ ដោយពួកគេបាននិយាយថា នឹងមិនអនុញ្ញាតឱ្យកូនរបស់គាត់ប្រថុយគ្រោះថ្នាក់ទៅជិះកន្ត្រកវិលខុសបច្ចេកទេសដូច្នេះទេ ព្រោះថាគ្រោះថ្នាក់គឺជាអ្វីដែលមិនអាចប៉ាន់ប្រមាណបាន៕ ប្រភពពី kapook

https://www.facebook.com/redskullmoto/videos/426581048320635